කුරුළු යාළුවෝ

Tuesday, November 18, 2014

කුරුල්ලගේ ජොබ් කට්ට...




බ්ලොග් එක ලියන්න ආයිමත් ආසාවක් ඇති වුනේ මම බ්ලොග් එක ආපහු ලියනවා කියලා දැම්ම පෝස්ට් එකට වැටුණු කමෙන්ට් එකක් නිසයි.ඇත්තටම ඒක ලස්සනම ලස්සන හීනෙක චුටි බලාපොරොත්තුවක හෙවනැල්ලක්...
බ්ලොග් එකට මම කුරුල්ලෙක්...ඒත් බුකියේ තවත් එකෙක්...ජීවිත දෙකක් උනාට මුගේ දිව දෙකක් නෑ කියලා දන්නෝ දනිති ඈ...ඉතින් දන්න කියන හැමෝම අහනවා තෝ පහුගිය කාලේ කොහෙද පත බෑවිලා හිටියේ කියලා...මහින්ද මාමත් ලියුමක් කුරියර් කරලා තිබ්බ මොකද වුනේ යකෝ කියලා.ඉතින් හරි මදිනි ඈ...ඒක හින්දා ඔන්න ලියනවා වෙච්චි දේවල්....

කස්ටියම දන්නා විදිහට ඔන්න කොල්ල ලස්සන ෆ්ලෝරා මෙව්වා එකෙන් මෙව්වා වෙලා ගියානේ දැයට තොප්පියේ ඇඩ්මින් වැඩ කරන්න.ඒක ගැන ඕනේ නෑ ඇ...ඔන්න ඔහොම ඔහොම චුට්ට චුට්ට කාලේ ගෙවිලා ගියා.කුරුල්ලා දැන් ගෙදර.ඉතින් ඔහොම ඔහොම තව චුට්ටක් කාලේ ගෙවිලා ගියා.දවසක් ධාරානිපාත මුරුගසන් වරුසාවක් තියන ඇහැළ මලින් ගස් බරවුණු දීප්තිමත් උදේක ලියුම් මාමා කකුල් දෙකටම කිසමක් ඇඳගෙන අපේ දිහා ආවා...හම්මේ මුනේ සිරියාව...ලිබියාව පරාදයි...අන්න එදා තමයි මගේ ජීවිතේ මෙව්වා උනේ...
ලියුම කැඩුවා...
බැලුවා...
හුටා...
මේ ගස්තරයා ( ඒ කිව්වේ මම ) රජරට ආයුර්වේද වෛද්‍ය විද්‍යාලෙට තේරිලා කියහල්ලකෝ....
දැන් මොනා කරන්නද?
ඇඬුවා...පෙරලි පෙරලි ඇඬුවා...හිනා වුනා...පෙරලි පෙරලි හිනා වුනා...කොනිත්ත ගත්තා...බෙල්ල මිරික ගත්තා...බලපුවාම හීනයක් නෙවෙයි.හැබැහින්ම මම ඒකට මෙව්වා වෙලා...හම්මේ හිතේ තිබ්බ සන්තෝසේ බාල්දියෙන් දෙකයි ඈ...
ගෙදරින් සැලකිලි...කියල වැඩක් නෑ..කකා බිබී ගෙදෙට්ට වෙලා හිටිය කාලේ ඉවරයි කියලා කට්ටියම කුමන්ත්‍රණ කරනවා ප්‍රසිද්ධියේ...කොල්ල අප්‍රසිද්ධියේ මුල්ලකට වෙලා බලාගෙන ඉන්නවා...
ඔන්න ඉන්ටවිව් එව්වා මෙව්වා ගියා ඈ..ඒ සී රුම් එකේම ඉඳල ගෙදෙට්ට වෙලා කොල්ලට අනුරාධපුරේ ක්ලයිමෙට් එක පට්ට ඩොටේ එප්පා...සික්...කුරුල්ලා හිතාන හිටියේ අනුරාධපුරේ කිව්වාම පට්ට දුෂ්කර ඇති කියලා...
හරියටම කියනවනම් වැව් ගොඩක්.පොඩි පාරවල්.තාර තැන තැන ගැලවිලා.කරත්ත.පට්ට ලදරන් සී ටී බී බස්...
ඔන්න ඔහොම ආදී කාලේ ඉමේජ් එකක් තමයි කුරුල්ලට තිබ්බේ.මොකද මතක ඇති කාලෙක කුරුල්ලා ඔහේ ගිහින් නෑ...
අම්මට උඩු ගියාමනේ තේරුනේ...පට්ට පට පට ඈ...
යකෝ කුරුණෑගලනි ඩොටේ.එක අතකින් බැලුවාම කොළඹ පවා හද්ද ඩොටේ...
හම්මේ අයි ලබ් යූ අන්ඩාපුර <3
ඔන්න ඉතින් කොල්ල එල කිරි වගේ පලවෙනි අවුරුද්ද ගියාලු ඈ...පාස් ලු ඈ...දැන් ඔන්න සෙකන්ඩ් මෙව්වා එක...
එතකොට තමයි බුකියේ අපේ ෆන් සෙට් එකත් එක්ක "රියල් හාට්ස්" ටීම් එකත්තෙක්ක වැඩ කරන්න හම්බුනේ.ඒක ගැන වෙනම පොස්ට් එකක් ඈ..මොකද ඒ ගැන කියන්න වචන අකුරු මදි...
ඉතින් ඔව්ව මෙව්වා අස්සේ කුරුල්ලට තේරුනා හැමදාම ලේච්චර් යන එක හරි නෑ, ඒක පෙජාතන්ත වාදෙට හරි නෑ කියලා...ඉතින් කොල්ල පාට ටයිම් ජොබක් කරන්න සෙට් උනා...
කොල්ලගේ හැකියාවට රැකියාවක් දෙන්න වාසනාවන්ත උණු ඒ මෙව්වා එක තමයි දේශක්තී ලංකා විදේශ රැකියා ආයතනය...
ඔ යේ...

මළගම




මා මල පසු
ඔබේ මළගම
මට ඉහලින්
සමරන්නට...

මැරෙන්න පෙර
මේ මල් මිට
මගෙ සොහොනේ
තබා යන්න...

Monday, June 30, 2014

ආයෙත් ආවා

බ්ලොග් එකේ ආයෙත් ලියන්න පටන් ගන්න ඕනි  හිතෙනවා...
අනේ මන්දා...මේකත් අර මොකක්ද මෙව්වා එකක් වගේ.හිතෙන්නේ නැද්ද, ලියන්න බැරිද, අදහස් එන්නේ නැද්ද මන්දා...
එක තැන පල්  වෙච්චි ජීවිතේ එක්ක පොඩ්ඩක් හරි  කියලා ආයෙත් පාරක් බ්ලොග් එක ලියන්න තමයි කුරුල්ලාගේ සුදානම ඔන්න...
ඉක්මනටම පෝස්ට් එකකින් හම්බෙමු.
අනිවා හෙට එකක් දානවා ඈ ....

Wednesday, October 9, 2013

“ පළගැටියන් දෙන්නා ප්‍රේමයෙන් වෙලි සිටියා...”



මිනිස්සු සත්තුන්ට වඩා වෙනස් වෙන්නේ මොලේ ලොකු නිසාලු..මොලේ ලොකුයි කිව්වට අපි අපේ මොලේ වැඩි කම හින්දම අවුල් ගොඩකට මුණ දානවනි ඈ...කුරුල්ලනම් හැමවෙලේම ඉතින් මුණ දෙන්නේ අවුල් වලටමනි..මේකගේ ජීවිතේ හැමදාම ටැපලිලා...ළඟින් යන්න බෑ මොකක් හරි කෙහුරක් ටැපලෙනවා බුදු සුවර්...

මේ ළඟදිත් එහෙම වැඩක් උනා...මොනවා කරන්නද ඉතින්...පෝරුවේ කරපු පින් පලදෙනවලුනි...මම හිතන්නේ ගිය ආත්මේ එව්වා වෙන්ඩ ඇති...මොකද මම මේ ආත්මේ තාම පෝරුවට නැග්ගේ නෑනේ...සේරම ලෑස්ති මංගල්ලෙට නම්...එත් කෙල්ලෙක් නෑ.. ඒකයි සුට්ටන් පරහකට තීන්නේ ඔන්න..කෙල්ලෝ කියද්දීන් මතක් උනේ...කෙල්ලෝ ගැන ලියලා බෑ මේකේ...මෙව්වා කියවන උන් විලි ලජ්ජා නැති උන් වෙනවා...අනික මෙව්වා කියෝපුවාම උන්ගේ ලජ්ජා නහර ක්‍රම ක්‍රමයෙන් ක්ෂය වෙනවා කියලා ජපානේ ක්ලබ් එකක වයසක ආච්චි කෙනෙක් කියල තියනවා කියල මම අඟහරුවාදා සති අන්ත පත්තරේක දැක්කා...එව්වා ඕනේ නෑ එක හන්දා...

ඈ...අර පොල් ගහ ගැන කියන්ඩ ගිහින් මැක්කා ගැන කියෙව්වා වගේ මමත් පටන් ගත්තේ කොහෙන්වත්...දැන් කොහෙවත්...ආශ්චරියේ තමා ඈ...මම කියන්න යන දේ පොඩ්ඩක් මම පත්තරේකින් එහෙම දැක්ක දෙයක්...ඒ වෙලාවේ හදිසියට හදිසියට කියවලා මෙමරියට වැටුණු එව්වයි මගේ හිතින් ආපු මෙව්වයි සේරම එකතු කරලා, කලත්තලා,මික්ස් කොරලා,මෙව්වා කොරලා තමයි මේ තියෙන්නේ ඈ...අපුරු පාට...ෂා රස...මරු ඈ...(එහෙම කියන්නේ මම නෙවෙයි දොන් ෂර්මන් ඈ...උගේ ගෑනිටවත් කියන්නේ නැතිව ඇති කෑම වලට තරං...)




දැන් මම මේ දැම්ම ෆොටෝ බලලා අපේ උන් හුල්ලනවා ඇති...ගෙදර ඉන්න බව්වට එහෙම මේක දැකලා මල පැනලා ඇති දෙලක්ෂ පනස් දාහට...ඈ...අපොයි...හරි ළමයි සේරම කොටු කොටු දාගන්න... දැන් හරි...අවුලක් නෑ..කෙහුරක් නෑ...ජින්ජිබිරිස් එකක් නෑ...මොකද මම පහලින් දාල තියනවා 18+ ඔන්ලි කියලා...අල්ලපු ගෙදර ඇන්ටිට අහවල් මෙව්වා එක වෙන්ඩ මමත් දන්නවා අපේ රටේ නීතියේ තියන හිල් ඈ...
ඇත්තටම මේ මොනවද?ඈ...මේ එක එක සත්තු ප්‍රජනනය කොරන හැටි..හැබැයි ඔය උඩින් ඉන්න පළගැටියෝ දෙන්නගේ පින්තුරේ හඳුන්වලා තිබ්බේ  “ පළගැටියන් දෙන්න ප්‍රේමයෙන් වෙලි සිටියා...” කියල...

අම්මපල්ල මට මේක දැක්කම මල අසු හාරදාහට..මොකක්ද මුන් මේ කියන්නේ?ඈ...මේක හද්ද බුලයක්..පට්ට බයිලාවක්.සංසර්ගය කියන එකට ඒ නම කියන්ඩ ලැජ්ජයි නම් එක නොකිය ඉන්න එක වෙනම කතාවක්.මළා කියලා කියන්ඩ බැරි කමට මළ, මලක් විදිහට හඳුන්වන එක වැරදි නි...හා නැත්ද මං අහන්නේ?


හරි මෙහෙම කියමුකෝ..ආදරය,දයාව කරුණාව,ශෘංගාරය කියන ඒවා හරි වෙනත් මානුෂීය හැඟීම් හරි සත්තුන්ට දැනෙනවද කියලා...ඔන්න ඉතින් ආගම දහමේදී නම් එහෙම කියනවා..ඒ මොකද ඒ තේරුම් ගැනීමේ පහසුවටනි...ඇත්තටම මම දන්නා හැටියටනම් සත්තුන්ට දැනෙන්නේ හැඟීම් දෙකයි... උගේ ලඟින් ඉන්න එකා උට තර්ජනයක් වෙයිද,නැත්ද කියන එක...තර්ජනය අවම වෙන්න අවම වෙන්න ලං වෙනවා...තර්ජනය වැඩි වෙද්දීන් ඈත් වෙනවා...වෙන දෙයක් ඕනි නැහැ..


මම අද උදෙත් දැක්ක බල්ලෝ දෙන්නෙක් එකතු වෙලා ඔය මගුල කරනවා...එතකොට නම් ඉතින් බල්ලා බැල්ලි ව ඉම්බේ නෑ..අනිත් මෙකි නොකී එව්වා කෙරුවෙත් නෑ.කරපු එකම දේ සංසර්ගය.(වැරදියට හිතන්නෙපා මම මේක බලන් හිටියා කියලා ඈ...මල මගුලයි ඊට පස්සේ)

ඉතින් සත්තු සත්තු අතර ආදරයක් තියෙනවද නැත්ද කියලා කියන්න අපට හරියටම බෑ...එත් සත්තු සත්තු දීර්ඝ කාලින බැඳීම් වලට යන්නේ නෑ කියල කියන්නනම් කුරුල්ලට එකෙන්ම පුළුවන්...මොකද ඒක හන්දා තමයි උන් අතරේ සදාචාරයක් නීතියක් කියලා දෙයක් නැත්තේ...
මම එහෙම කිව්වේ මේකයි..හරි අපි හිතමු ඔය රුප වල ඉන්න ගෙම්බෝ, පළගැටියෝ, කුරුමිනියෝ ඉන්නේ ප්‍රේමයෙන් වේලිලා කියලා...එහෙනම් ප්‍රේමයට සම්බන්ධ අනෙත් හැඟීම් එහෙමත් උන්ට දැනෙන්න ඕනි...


ගෙම්බාගේ අම්ම වයසට ගියාම ගෙඹි පුතාල දුවලා කන්ඩ බොන්ඩ දීල බලාගන්ඩ ඕනි..නාවන්ඩ ඕනි...ගෙඹි අම්මලා තාත්තල ළමයින්ව ඉක්කොලේ දාන්ඩ යන්ඩ ඕනි...අසනීප උනාම බලන්ඩ ඕනි...එත් එහෙම සෙද්දවල් වෙන්නේ නෑනේ දෙයියනේ...එකනි අරුමේ..
අන්න එක හින්ද තමයි මම මේ කියන්නේ උන් අතරේ ප්‍රේමය වගේ සංකීර්ණ බැඳීමක් නෑ කියලා...අනික ප්‍රේමය කියන්නේ අති සංකීර්ණ බැඳීමක්..ඒක මිනිස්සුන්ටම විතරයි අනන්‍ය...අනික කුරුල්ලෝ පැටවුන්ට කෑම කවන එකත් වෙනම ස්වභාවික ක්‍රියාවලියක්...කිසිම වෙලාවක මිනිස් හැඟීම් සත්ව හැඟීම් එක්ක ගලපන්න යන එකනම් පට්ට මෝඩ කතාවක් කියලයි කුරුල්ලටනම් හිතෙන්නේ...හිතෙන දේ කිව්වේ ඔන්න...

සත්ත්ව ලෝකයෙන් අපට ඕනි තරම් උදාහරණ ගන්න පුළුවන්...පුංචි වේයා තුඹසක් බඳින්නේ එකමුතුකම හඬ කියලා පුංචි කාලේ අපට කියලා දීල තියනවනි.බම්බුව තමයි..ඈ යකෝ වේයා දන්න එකමුතු කමක් නෑ..ඒක උගේ සිස්ටම් එක...මී මැස්සා පැණි හදන්නේ එකමුතුකම හින්දලු..ඌ ඒ මී පැණි මිනිස්සුන්ට දීලා පට්ට සේවයක් කරනවලු...ඒ තරම් මොලයක් තියනවනම් ඌ මිනිස්සු මී වදේ කඩන බව දැන දැන නොබැඳ ඉන්නවනි...එක නෙවෙයි ඇත්ත...මිනිහා කියන සතා පට්ට කුපාඩි කුප්පහි එකෙක්...ඌ මී මැස්සගෙන් හොරෙන් පැණි ටික උස්සනවා කියන එක වහගන්ඩ ගෙතුව කතාවක්.එතකොට පන්සිල් පද රැකුණා වෙනවා ඒ සයිඩ් එකෙනුත්.මී මැස්ස වද බඳින එකයි,වේයා හුඹස හදන එකයි සොබාදහම...දහමට සාහිත්‍යට ගැලපෙන විදිහට පුංචි පුංචි කතා හදන්න පුළුවන්...වතුර බිංදු බිංදු එකතු වෙලා මහා මුහුද හැදුණා කීවාම අපි එකෙන් එකමුතුකම ඉගෙන ගන්නවා..මුහුදේ වතුර පිරුණේ ඕක අපට උගන්නන්නද?මී මැස්ස වද බැන්දේ ඕක අපට කියල දෙන්නද?මතක තියාගත්තොත් හොඳයි...ඔයා කියනවා

 “ පුතේ වේයා හුඹස ක් බඳිනවා...බලන්න එකමුතුකම”
කියලා...
එතකොට කවුරුහරි ඇහුවොත්
“වේයා තුඹස හදපුවාම නයා එකට රිංගුවේ අපට අහවල් මෙව්වා එක කියලා දෙන්නද”
කියලා..

කට උත්තර නෑ නේද?

මෙහෙමයි...ඔය කොයිකත් හරි ඇති..එත් කුරුල්ලා කියන්නේ සොබාදහම වෙනමම තේරුම් ගන්න ඕනි කාරණයක් කියලයි...පළගැටියෝ ලව් කරනවා කියන එක හරියට කොකා සිල් ගත්තා වගේ කතාවක්...එහෙම පේනවා පෙනුනට ඇත්තටම එහෙම නෑ...

මිනිහා විතරයි ඇත්තටම හැඟීම් දීර්ඝ කාලීනව නඩත්තු කරන්නේ...එක හන්දා තමයි අපි සත්තුන්ට වඩා කැපිලා පෙන්නේ...සමහර වෙලාවට පච වෙලා පීචන් වෙන්නෙත් එක හන්දම තමයි ඉතින්....ලොලේ ලොල් ඈ...

Saturday, October 5, 2013

රජරටින් වකුගඩු...ලාබයි...




ගොඩ කාලෙකින් ආව එකේ වැදගත් මෙව්වා එකක් ලියන්න හිතුවා...කුරුල්ලාගේ තර්කානුකුල ටිකිරි මොලේට මන්චි තමයි නයිස් කියලා ආව මෙව්වා එකක් මේක...දේශපාලන ඇඟිලි ගැහීම් කැපිලි කෙටිලි යටිකුට්ටු කුමන්ත්‍රණ බෑ හොඳද...සුවර් නෑ අපේ උන්...
අනුරාධපුරේ ආවට පස්සේ තමයි කුරුල්ලට අනුරාධපුරේ කියන්නේ මොනවා වගේ තැනක් ද කියල තේරුනේ...මෙහෙ පලවෙනි වතාවට ඉන්ටර්විව් එන්න කලින් කුරුල්ලා එකම එක පාරයි මතක ඇති කාලෙකට අනුරාධපුරේට ඇවිත් තියෙන්නේ...ඔන්න පලවෙනි ම දවසේ කුරුල්ලව කොලීජිය තියන තැනට එක්කන් යනවා කියලා හෙන වටයක් ගහලා ත්‍රී වීල් අංකල් කෙනෙක් පුජා නගරේ පැත්තෙත් රවුමක් ගහලා ( උට හෙන ආසාවක් තියෙන්ඩ ඇති වැඳලා පුදලා එන්ඩ) ආපහු හිටිය තැනටම චුට්ටක් එහායින් බැස්සුවා..මල්ලි 350 යි කිවා...අතේ තිබ්බෙත් පන්සීයයි.බස් එකේ එන්ඩ 120 ක් තියාගත්තාම 30යි ඉතුරු උදේ කෑමටයි දවල් කෑමටයි....ඇතිනි අරුගේ ආච්චිට පින් සිද්ද වෙන්ඩ....(සොරි ආච්චි)

ඉතින් කොහොම හරි මම ආයුර්වේදෙට තේරුනා...රජරට වකුගඩු ප්‍රශ්නේ කියා කියා මිනිස්සු හෙන ලොකුවට කතා කරන, තවත් උන් එකෙන් පර්ස් එක වඩා ගන්න ප්‍රශ්නේ ගැන කුරුල්ලට ලං වෙලා බලන්න අවස්ථාවක් ලැබුනා...එකයි මම අද මේ ප්‍රශ්නේ ගැන චුට්ටක් කියන්න හිතුවේ...මොකද චිරාත් කාලයක් තිස්සේ මේක තියන ප්‍රශ්නයක්..ඒ එක්කම ඊටත් වඩා මේක තවත් චිරාත් කාලයක් මේ රටේ තියන ප්‍රශ්නයක්...ලියනවනම් ලියන්න ගොඩක් දේවල්...එත් කෙටියෙන් කියන්නම්..මොකද අපේ සෙට් එකේ එව්වා කිවොත් මගේ අතින් මම මේ කියන්න යන ගොඩක් දේවල් මග ඇරෙයි...
අපි ගියේ මැදවච්චියට...මොකද අපේ සෙට් එකේ යාලුවෙක්ගෙ ගෙවල් තියෙන්නේ එහෙ...අපිත් එක්ක අපට මනෝවිද්‍යා උපදේශනය උගන්නන සර්,අපේ විද්‍යාලයේ පාලක සභා සභාපතිතුමා ,ලහිරු මල්ලියි(මෙයා තම මැදවච්චියේ ඉන්නේ),පේෂල අයියයි(අපේ ශිෂ්‍ය සංගමේ සභාපති),තව ප්‍රංශේ ඉඳන් ආව කට්ටියකුයි ගියේ...මේ අයගේ නම් ගම් මේකේ දාන්න බෑ...මොකද මගේ කටින් කියවෙන ඒවා හන්දා ඒ අයටත් නිකන් ටින් කිරි ගාගන්ඩ දෙන්න බෑනි...සේරටම කලින් අපි කොලිජියේ සෙට් එක එකතු වෙලා කතා කලේ මොකක්ද මේ වකුගඩු ප්‍රශ්නේ කියලා...ගියාට පස්සේ දැනන් හිටියේ නැති ගොඩක් දේවල් ඒ අයගෙන් ආවා...හිතාගන්නවත් බැරි තරම් දේවල්...පපුවක් තියන උන්ට උහුලගන්ඩ බැරි,මේවා අහපුවාම පපුව පිච්චිලා අපිත් අන්තෙටම අසරණ වෙන තැන් තිබ්බ එතන...

මේ හද්ද කාෂ්ටක ගිනියම් පොලවේ පය ගහල මේකේ දඟලපු අපේ බ්ලොග් කියවන එවුන්ට මේ දුක තේරෙයි..මොකද මේකේ එකෙක්වත් රෝස මල් උඩින් මේ ගමන ආවේ නැති හන්දා...එකට දුක සැප බෙදාගත්තු අපි ඒක දන්නවනි...මේ ප්‍රශ්නේ ආව එක පවුලක් මේ...
තාත්තට වයස 45  යි...වකුගඩු රෝගේ හැදිලා...ඉතින් බේරගන්න පුළුවන් කියලා ඒ අම්මා තමුන්ගේ එක වකුගඩුවක් මේ තාත්තට බද්ධ කරවලා...එත් ඒකටත් ලෙඩේ බෝ වෙලා...දැන් අම්මට වැඩපල කරන්නත් තාත්තට වැඩ කරන්නත් අමාරුයි...පොඩි දරුවෝ තුන් දෙනෙක්...ඇටසැකිලි වෙච්ච ජීවිතේ අස්සෙන් මේ අසරණයෝ ඉල්ලන්නේ කොළඹ ඒ සී රූම් එකක යහතින් කාල බීල ඉන්ඩ නෙවේ...තමුන්ට නැතිවෙච්ච ඒ දුප්පත් ජිවිතේ...
තවත් තාත්තෙක් හැම සතියෙම යනවා ඉස්පිරිතාලෙට...ඇහුවා මම මෙහෙම ප්‍රශ්නයක්...

“ ඇයි තාත්තේ බේරගන්න අමාරු බව දැන දැනත් තවත් මහන්සි වෙන්නේ..තාත්තගේ ඇඟ තවත් මහන්සි වෙනවා විතරනි.”
එත් ඒ මනුස්සය දුන්නු උත්තරෙන් මට තේරුනේ දාන පාරමිතාව,අධිෂ්ඨාන පාරමිතාව පුරපු බෝධිසත්වයන්ගේ ප්‍රතිරූපයක්...ඇස වලට කඳුළු ඉනුවා..මම මේ ලෝකේ වෙනුවෙන් මොනවද කරන්නේ කියල මට හිතුනා..

“පුතේ මම ළඟදීම මැරෙයි...මගේ ඇඟට එක දැනෙනවා...එත් මම කුලී වැඩ කරලා හම්බ කරන සල්ලි වලින් නොකා නොබී මෙහෙම ඉස්පිරිතාලෙට යන්නේ පරීක්ෂණ වලට ඉන්ඩ...කවදාහරි මගෙනුත් මේ ලෙඩේට උත්තරයක් හොයන්ඩ පොඩි උදව්වක් හරි වෙයි...”

මට ඒ වෙලේ ඒ මනුස්සයට කියන්ඩ ශක්තියක් තිබුණ නෑ...එත් මගේ රත්තරන් තාත්තේ උඹ ඔහොම දුක් විඳගෙන ඉස්පිරිතාලේ ගානේ යනවා. ඔය රිපෝට් අපේ එව්වෝ හරියට ගනීද?එව්වා කොහේ කොහේ දායිද?එත් වටිනවා උඹේ ධෛර්යය...මල් තියල වඳින්න ඕනි හැම මිනිහෙක්ම උඹට...

ඇත්ත තත්වේ වහගෙන අපේ අයියලා කරන මේ නව නින්දිත වැඩේ ගැන එළියේ කතා කරන්න බෑ කාටවත්...මේ කුරුල්ලටත්..එතකොට හෙට උදේට සුදු වෑන් එකක් අපේ ගෙවල් පැත්තෙත් කැරකෙයි...සතියකින් විතර අහන්න ලැබෙයි කොහේ හරි මරලා දාල කියලා...
මෙන්න වකුගඩු රෝගේ ඇත්තම ඇත්ත තත්වේ....ගොඩක් අය කියනවා ආසනික් හින්දලු...ඇත්ත ආසනික් තියනවා...ආසනික් නිසා විෂයි...සම්පුර්ණ ඇත්ත...දැන්නම් මේ කාරණෙත් ටිකක් එලියට ඇවිත්.එත් ටිකයි...ආසනික් වලට වඩා මෙතන ප්‍රශ්නේ කැඩ්මියම් කියන බැර ලෝහය...

උදාහරණයක් ගමු...මේ කැඩ්මියම් වලට පුළුවන්ලු ආහාර දාමයක් දිගේ ඉහලට යන්න වර්ධනය වේවි...මෙන්න මෙහෙමයි...අපි හිතමු එක බත් ඇටේක තියනවා කැඩ්මියම් එකක්.එතකොට මාළුවෙක් බත් ඇට දහයක් කෑවා...එතකොට මාළුවාගේ ඇඟේ කැඩ්මියම් 10 යි.මාළු 10 දෙනෙක්ව කෑවා තව ලොකු මාළුවෙක්.එතකොට ඒ මාළුවා ගාව 100 යි.ඒ වගේ මාළු 10 ක් කෑවා මම.එතකොට මම ගාව කැඩ්මියම් 1000 යි...දැන් තේරුනා නේද බරපතලකම....

ඊ ගාව ප්‍රශ්නේ තමයි කවදාවත් නොතිබ්බ මෙහෙම දෙයක් කොහොමද එක පාර ආවේ කියලා...ලාබ  බඩුවේ හිලක් ඇතී කියනවනි.මතක ඇති කට්ටියට පොහොර වගයක් බෙදුවා අඩු ගානට.කවුද කින්ද මන්ද ඕනි නෑ...කතාව ඇත්තනි.බෙදුවනි.ඒවා ගත්තේ ගොවිතැන් කරන අයනි...වැඩිපුර රජරටනි.දැන් ප්‍රශ්නේ විසඳුනා නේද?
ඔන්න ප්‍රශ්නේ හොයාගත්ත.වුනු හැටි හොයාගත්ත.ප්‍රතිකර්මේ හොයා ගත්ත.මේක කියන්න පුළුවන් කාටද?මට මේක කියන්න පුළුවන් මේ අපේ සෙට් එක ඇතුලේ විතරයි නේද?එතකොට මා එක්ක ගිය අනිත් අයට කියන්න පුළුවන් සීමාවල් තියනවා...වැඩියේ කිවොත් රස්සාවත් නෑ..දරු පවුලක් ඉන්නවනම් ඒ දරු පවුලත් නෑ...මේකයි රටේ තත්වේ...
දෙයක් කියන්නම්...මේ ප්‍රශ්නේ විසඳන්න හරිම අමාරුයි..මොකද පොලවට වැටුණු දෙයක් අංශුවෙන් අංශුව ගන්න අමාරු වේවි...හැබැයි පාලනයක් කරන්න පුළුවන් වේවි අපට...කැඩ්මියම් අනන් මනං ගැන බයිලා මේ මිනිස්සුන්ට වැඩක් නෑ...මේ මිනිස්සුන්ට ඕනි ජිවිතේ... ප්‍රංශේ ඉඳන් ආව අය මේ අසරණයින්ට වතුර ෆිල්ටර් දෙන්න පොරොන්දු වුනා...ලොකු ධාරිතාවක් තියන එකක්...ගමටම 3ක් වගේ තියේවි...මේ එක ගමක්..එතකොට අනිත් ඒවා...???තවත් දෙයක්.දැන් එහෙ වතුර විකුනනවා...ලීටර් එකක් රුපියල් 3 යි...සුළු ගානක් නේද?නෑ සුළු නෑ...මේ මිනිස්සුන්ට සුළු නෑ..දවසකට මිනිහෙක්ට බොන්න කියනවා ලීටර් 6 ක්වත් අඩුම තරමේ.හතර දෙනෙක් ඉන්න පවුලකට බොන්න විතරක් එහෙමනම් ලීටර් 24 යි..මාසෙටම ලීටර් 720 යි...එතකොට ගාන රු.2160 යි...අර කවුද මන්ද මී හරකෙක් පවුලක හතර දෙනෙක්ට දැම්ම බජට් එකට මේකත් දැම්මද මන්දා.....

හෙන ගහපන්.....( මේක කියන දහ දෙනෙක් හෙන ගහපන් කියල කියයි.මේවා කරපු තොපිට තුවාලයක් හරි හැදෙයිනි.සැනසීමයි කුරුල්ලට)

ඔයාල නැතුව ඉන්න බෑ මට...අයියෝ සල්ලි...


හම්මෝ පියාඹල පියාඹලා මාර හති කුරුල්ලට...


මේ කොහෙද මේ...හුටා...මේ මගේ බ්ලොග් කටුව නේද ඈ...


මම                     : ඇත්තටම මගේ සත්තලන් බ්ලොග් පැටියෝ ඔයා කොයිද මෙත්තල කල් ගීන් ඉතියේ ඈ...

මගේ බ්ලොග් එක : අනේ පල ඩො යන්ඩ

මම                      : ඈ...

මගේ බ්ලොග් එක : මාව අමතක උනා නේද තොට

මම                      : අනේ නෑ  සත්තලනේ වැඩ ගොඩයි....

මගේ බ්ලොග් එක : පල පල යන්ඩ....


එහෙම කෝමද යන්නේ ඈ...උඹ මගේ..මම උඹේ...මෙරේ ආශුකී අබු තුම් ඈ..අනේ සමාව භාජනෙකට දාන්න හැමෝම හොඳද? කුරුල්ලට එන්න බැරිවුනේ කුරුල්ලා ගොඩක් කියන්නේ ගොඩක්ම බිසී හින්ද ඈ...

රෙපා, තරුවා, හිරු හිමා එහෙම කෝ දැන් නෑ...තරා වෙලාද දන්නෙත් නෑ...මොනවා කරන්නද ඉතින්..මෙන්න විස්තරේ...


කුරුල්ලා දැන් ඉන්නේ රජරට ආයුර්වේද වෛද්‍ය විද්‍යාලේ.ඒ කියන්නේ තව අවුරුදු තුන හතරකින් කුරුල්ලා දොත්ත බබෙක්...දැන් තොත්ත බබෙක්...මේ ඉතින් මගේ පලවෙනි අවුරුද්දලු...ඒත් එක්කම අපිලු පලවෙනි සෙට් එක...එතකොට මම මේකේ ශිෂ්‍ය මෙව්වා එකේ ලේකම්ලු ඈ...ලේසි නෑ...ඒ වුනාට ඔය කියන තරම් අමාරුත් නෑලු ඈ...මම ගැන කියෙව්වා ඇති...දැන් ඔන්න සමාව හද්ද ලොකු තඹ හැලියකට දාන්න තරම් කුරුල්ලා හේතු කිව්වා ඈ...

ඔය කකුල් කැඩෙනකම් ඇවිදින රෙපයි, ගිරිය කඩන් සින්දු වලට සාධාරණය ඉෂ්ට කොරන හිරු හිමාවියි, බෙල්ල කඩාගෙන අත පය හූරගෙන වලවල් හාරන අපේ තිලිණි අක්කයි මට බනින්න බෑ ඔන්න....ඒ මදිවට මම කාරුණික ඉල්ලීමක් කරනවා මාව අයින් කරපු සින්ඩි කාරයෝ සේරටම ආපහු මාව දා ගන්ඩ කියලා...ඈ යකෝ මේක හරි මගුලක්නි...මුන් මාව අයින් කරලනි...අත උස්සල පයින් ගහනවා පස්ස පැත්තට කන පැලෙන්ඩ ඈ...මල පනිනවා ඈ...


වැඩක් නෑ කෑ ගහලා...එකෙක්ටවත් ඇහෙන එකක් යෑ...


වෙන්න තියන සේරම වෙලා පති වතත් කෙලෙසගෙන මාර අසික්කිත විදිහට මම දැන් මේකේ ඉන්නේ.මොනවා කරන්නද ඉතින්...බනින්නෙපා කවුරුවත්.අහිංසක අසරණ කුරුල්ලෙක්ගේ මෙව්වා වෙච්ච් හිතකින් ගලාගෙන එන අනුරාගී සිතිවිලි මෙව්වා.ඩොටේ පියාඹලා හරිම මාන්සි.මේ වෙද්දී කුරුල්ලා රෙපාට වඩා ඇවිදලා තියනවා..ඔන්න රෙපෝ උඹේ රෙකෝඩ් එක කැඩුවා මම..එන වෙලාවක මෙහෙටත් වරෙන් මව බලල යන්ඩ...රෙපා මැරිලද දන්නෙත් නෑ..බැඳලා ළමයි දහයක් දොළහක් ඉන්නවද දන්නෙත් නෑ...හිරු හිමා තාම යහතින් ඉන්නවද දන්නෙත් නෑ... ආයෙත් බ්ලොග් කාරයෝ කවද එකතු වෙයිද දන්නෙත් නෑ..බුකියේ මචං මැක්ස් එහෙම ඉන්නවද දන්නෙත් නෑ...ප්‍රශ්න කෝටියයි...සේරම අලුතෙන් හැදුවා...මෙන්න මගේ බුකිය...අනේ දන්න කියන අයට කියන්න ඈ...අලුතෙන් හැමදේම හදන් ගොඩ එන්ඩ හදන මේ අසරණයට එක හිතින් උදව් කරන්න ඈ...

ආයෙත් ලියන්න පටන් ගන්නවා සත්තයි...ඒ එක්කම ගොඩක් ආදරෙන් ලිව්ව සමහර සමහර පොස්ටු ඩිලීට් කරා...එව්වා දැන් වැඩක් නැති හන්දම නෙවෙයි...ඒත් එක දෙයක් ඉගෙන ගත්ත.හැමදේම හැමදාම තියෙන් නෑ..ඒක හන්දා මම සිරි ලංකා සමාජවාදී පෙජාතන්ත වාදී මෙව්වා එකේ සියලුම බ්ලොග් කරුවන්ට හා මෙව්වා කියවන උන්ට කියන්නේ ආයෙනම් මම මගේ ඉලව් ගැන මේකේ ලියන් නෑ...සත්තයි...අල්ලපු බෝඩිමේ ඉන්න ඇන්ටි පල්ලා....


එහෙනම් බැනපල්ලා ඇති තරම්...මම පටස් ගාලා පොස්ටුවක් ලියනකම්....

Thursday, August 23, 2012

උඹත් බෞද්ධයෙක්ද?


මම බෞද්ධයෙක්...මම ක්‍රිස්තියානි ආගමත් පිළිපදිනවා...ඔය කුරුල්ලා දන්න ආගම් දෙක...බුද්ධාගම නම් සාමාන්‍ය දැනීමටත් වඩා පොඩ්ඩක් තියනවා...පොඩි කාලේ ඉඳං ඉගෙන ගත්තු පාසල්, දහම් පාසල් අධ්‍යාපනේට වඩා බෞද්ධ දර්ශනය ගැන ටිකක් විතර මහන්සි වෙලා හොයපු, තාමත් හොයන හන්ද වෙන්න ඇති ඒ...කොහොමින් කොහොම හරි ක්‍රිස්තියානි ආගමත් මේ දවස් වල ඉගෙන ගන්නවා...මොකද මට තේරිලා තියන විදිහටනම් මේ ආගම් දෙකේම වැරදි දේවල් කියලා දීල නැහැ...multi religional කියලා කියන්නේ ඕකද මන්දා...කොහොම හරි මේ ලෝකේ හොඳ උගන්නන හැම ආගමකටම කුරුල්ලගේ ගෞරවේ හිමිවෙනවා නිතැනින්ම...අපි කවුරුත් උප්පත්තියෙන් බෞද්ධයෝ නෙවේ...ගොඩක් අය කියනවා මමනම් උප්පත්තියෙන්ම බෞද්ධ කියලා...අනේ මන්දා...එතකොට මට දෙන්න තියන එකම උත්තරේ බෞද්ධයෙක් වෙන්න සුදුසු කමක්වත් ඒ කියන මිනිහට නෑ කියන එකයි...සමාවෙන්න එහෙම කීවට...මම බෞද්ධ...හැබැයි බෞද්ධ දර්ශනය ගැන ගොඩක් අයට තියන අමාරුව තන්හාව මට නෑ...හොඳ  දේ ලෝකේ හැමදාම දිනනවා...ඉතින් බෞද්ධ දර්ශනයේ මුලිකම දෙයක් වෙන්නේ තන්හාව දුරලීම...අනේ මන්දා...නොතේරෙන හන්දයි අහන්නේ...තන්හාව දුරලන්න ඕනිනම් ඇයි මෙච්චර  ආගම ගැනම තණ්හාවක්...ඒ තණ්හාව නිසා ම බුද්ධාගම රැකගන්න කියලා විවිධ මානසික අසහන කාරයෝ මේ ලස්සන දර්ශනය කනවා...මේක ආගමක් නෙවේ...මේක බලකිරීමක් නෙවේ....බලවේගයක් නෙවේ...දර්ශනයක්...එන්නත් යන්නත් ඕනි කෙනෙක්ට ඉඩ තියන හරිම නිදහස් නිවහල් චින්තනයක්...ඉතින් ඇයි අද මිනිස්සු මේක පටලන් ඉන්නේ....කුරුල්ලට නම් මේවා හරි ප්‍රශ්න...
හැබැයි බෞද්ධ දර්ශනේ රැක ගන්න කුරුල්ලා දිවි හිමියෙන් කැපවෙනවා...මොකද මේ ඇඟේ දුවන ලේ බින්දුවක් ගානේ මම මේ ලංකා මාතාවටත් මට යහ මග පෙන්නපු බෞද්ධ දර්ශනේටත් මම ණයයි....පොඩ්ඩක් ඔයාල එක්ක දොඩමලු වෙන්න හිතුනා එක දෙයක් ගැන...
මම දැන් බුදු වෙලා...
කාටද ඕක කියන්න බැරි....ඇට නැති දිවනි...නේද..?ඔන්න කට්ටිය කියනවා...බුදු වෙලාලු....ඉතින් අපි පිළිගන්ඩ ඕනේ...නැත්නම් මේ දවස් වල අලුත් ශාපෙකුත් යනවනි...බුද්ධ ශාපය කියලා ...අම්ම අප්පා මතක කරලා උන්ගේ හත්මුතු පරම්පරාවටම හෙන ඉල්ලන්ඩ හිතෙන්නේ එතකොට තමා...ඈ හත්තලාමේ බුද්ධ කියන වචනේ තේරුමවත් මුන් දන්නවද?බුද්ධ කියන්නේ උතුම්...උතුම් ශාපයක්...විහිළුවක් නේද?විහිළුවක් නෙවේ මානසික විකෘතිතාවක්...බුදු වුනා කියන එකා බුදු වුන තැනකුත් නෑ...දම්සක් සුත්‍රේකුත් නෑ...පස් වග මහණෙකුත් නෑ...පිට දුන්නු ගහකුත් නෑ...හැබැයි පන්සල දාලා ආරන්‍යයක් හදන් ඒසී කාමරේකට වෙලා කකුලක් පිට කකුලක් දාගෙන බඩුවකට කියලා කකුල් මිරික ගද්දීන් ඒකා බුදු වෙලා...පට්ට බල්ලෝ...සාසනේ කනවා...එක එකා එක එක විදිහට ආගම් හදාගෙන....මෙව්වා බලන් ඉන්න රටේ පාලකයෝ කියන පඩංගු හැත්ත කට බලියන් උන්ට වඳිනවා...
බුද්ධ කාලෙත් හිටියා ඔහොම එව්වෝ...ඉතින් මේකනම් අරුමයක් නෙවේ...හැබැයි දඹදිව...හය දෙනෙක් හිටියා...ෂඩ් ශාස්තෘ වරු...එක මනුස්සයෙක්ටනම් තිබ්බේ උපන් ඇඳුම...ඌ බුදු වෙලා හිටියේ උපන් ඇඳුමෙන්...උපාසක අම්මලා අහක බලාගෙනත් ගියාලු...සමහර උපාසක අම්මලා නම් ලං වෙලා උටයි අහවල් එකටයි දෙකටම වැන්දලු...සමහරු ඉතින් අද කාලේ වගේ ආරන්‍යටත් ගිහින් කොරගෙන ආවලු...ඔව්ව් ඉතින් උපාසක අම්මලාගේ හැටිණි...ලිංගේ දුන්නත් මම බුදු කියලා පරෙස්සමට අතගායි...අනේ අපේ බුදු හාමුදුරුවෝනි මේ කියලා...ඇයි මුන් මෙච්චර මිත්‍යා දුෂ්ටික...?බුද්ධ කියන වචනේ විකෘති කරලා තමන්ගේ පහත් ආසාවන්,ලාභ ප්‍රයෝජන ඉෂ්ට කරගන්න කලියුගේ බුද්ධ චරිත වලට රැවටිලා දඟලන්නේ ඇයි?
සමන්ත භද්‍ර කියන්නේ බුදු රජාණන් වහන්සේට කියන තවත් එක නමක්...මේ නම ගන්න පුළුවන් තවත් එක බුදු වරයෙක්ට විතරයි...මේ කල්පයේ නියත විවරණ දුන්නේ මෛත්‍රී බුදු රජාණන් වහන්සේට පමණයි...ගෞතම බුද්ධ දර්ශනය හදාරපු අපේ උපාසක ගෑණුන්ට ඔව්ව තේරෙන්නේ නැත්තේ ඇයි කියලා කුරුල්ලා දන්නවා...මොකද පන්සලට ගිහින් ඕකුන් බන අහන එකක් යැ...නිදි කිරා වැටෙනවා...රටේම තියන කෙබ්බ හලනවා...අන්තිමට කුණු හබ්බ කිව්වත් සාධු සාධු හාමුදුරුවන්ගේ බන ටික නම් පංකාදුයි කියල රෙද්ද උස්සන් ගෙදර ඇවිත් අගුපිලේ නිදන් ඉන්න බල්ලා දිහා බලලා බල්ලට කුණු හබ්බෙන් සිල් අනුමෝදන් කරනවා....
අබරා කියලා මනුස්සයෙක් හිටියා...ඌත් කිව්වා ඌ බුදු වුනා කියලා..ඒ කාලේ මනුස්සයෝනම් ඔව්ව පිළිගත්තේ නෑ...මොකද රාජ්‍ය පාලකයෝ බුද්ධිමත්...මහෞෂධ පණ්ඩිතයින්ගේ ආභාෂය තිබ්බ උදවිය...ඉතින් ප්‍රශ්නයක් වුනේ නෑ...ඒ ඉතින් මහෞෂධ පරපුරනි..මේ වෘෂභ පරම්පරාවනේ...දැන් ඉන්නෙත් අබරා වගේ උන් කියලා තේරෙන්නේ නෑ...අඩි හය හතක් උස කේක් ගෙඩිය කපලා විස්කි වීදුරුව බීල ඉන්න මුන් ඔව්ව කොහොම තේරුම ගන්ඩද?කාපියව් බත් ටිකක් කොස්, දෙල් එක්ක තණකොළ කන හරකුනේ...තොපිට මොලේ පෑදෙන්ඩ...
දඹදිව ඒ කාලේ හිටිය බුදු කෙනෙක් තවත්...කිව්වේ ජම්බුකාජීවක කියලා...මිනිහා හිටියෙත් උපන් ඇඳුමෙන්...ඉන්දියාවේ අදටත් ඉතිං වැසිකිලි හරිම අඩුයිනි....ඒ කාලේ කොහොමත් තිබිලා නෑ සාමාන්‍ය පවුල් වල...ඉතිං ගල් තලාවක් තියනවලු සරීර කෘතයේ කරන...ඕකට වෙලා මේ මිනිහා තනි කකුලෙන් ඉන්නවලු...ඇයි කියලා ඇහුවාම කියන්නේ මගේ කකුල් දෙකම පොලවට තිබ්බොත්  මගේ බරට මිහිකතට බර උහුලගන්න බැරි හන්ද කියනවලු....ඔන්න උත්තරේ...අද කාලේ දෙන උත්තර වලට හරිම සමීපයි...එදා මෝඩයෝ ඒක පිළිගත්තා...කකුල් දෙකෙන් හිටියත්,එක කකුලෙන් හිටියත්, අහවල් ඒකෙන් හිටියත් බර බරමනේ...ඕක අද ඉන්න ගොන් හරක්ට තේරෙන්නෙත් නෑ...කට උඩට හරවන් ඉන්න එක ගැන ඇහුවාම කිව්වලු මම ජීවත් වෙන්නේ හුළං බීල කියලා...ඔන්න හරි සැලකිලි...හැබැයි එකෙක්වත් දන්නේ නෑ මිනිහගේ පෙර කරපු කර්මෙකට අනුව රෑට මේ මිනිහ බඩ පැලෙනකම් කන්නේ අර ගල්තලාවේ තියන අසුචි කියලා...ඔන්න තත්වේ...ඔය ගෞතම බුද්ධ කාලේ දඹදිව හැටි...අනේ මන්දා...ඒ දඹදිව...මේ ලංකාව...මේ රටටත් ඒකම උනාද?
ලංකාවේ නම් බුදු බන රී මික්ස් වෙනවා...ඩී ජේ වෙනවා...පොප්, හිප් පොප්, ලොලි පොප් මේ ආදී මෙකී නොකී විදිහට බුදු බන කියවෙනවා...නෑ නෑ...දේශනා කරනවා...සෝවාන් කාරයෝ බාගෙට බාගයක්...ඒ අස්සේ සකෘදාගාමී අනාගාමී කට්ටිය වැහිවහලා...බලං ගියාම මුන් සේරම  සංසාරේ කෙලවර කරගන්නවා  ඉක්මනට...අපි විතරයි වගේ ඉතුරු වෙන්නේ...හරි හදිස්සියනේ දැන් ලෝක විනාසෙට කලින් සංසාරේ ඉවර කරගන්ඩ...මිනිස්සු හිතන් ඉන්නේ මේ ලෝකේ විනාස උනාම ඉතුරු වෙන්නේ හතර අපාය කියලද කොහෙද?බය වෙන්ඩ දෙයක් නෑ...වෙන්නේ ඒක තමා...මේ ලෝකේ මෙහෙමම තිබ්බත් මේ ඉන්න උන් නම් ඉපදෙන්ඩ වෙනම අපායක් හදන්ඩ වෙනවා...රහත් උනා කියන අපේ සමහරු මොබයිල් එක,ටීවී එක,ලැප් එක ලඟට කරගෙන සාසනේ පතුරනවා...ඉන්ඩ හම්බෙන්නේ නෑ...බුකියටත් මහා රහතන් වහන්සේලා වැඩලා...සාධු සාධු...අනේ මගේ කට...
සල්මන් කාන් එක්ක වත්ත වටේ ගිහින් අභිෂේක් ගෙන් දරුවොත් ඉන්න අයිස්වර්යාට දැන් බුකියේ තැනක් නෑ...එව්වා ලොලිපොප්  දැන්...විසි එක වෙනි සියවසේ බ්ලුටුත් චුයින්ගම් ඉන්නවා දැන් බුකියේ...ඔන්න උපාසක අම්මලා...හප්පේ බුදු බන වැක්කෙරෙනවා...එව්වා ගැන කතා කොරන්ඩ ගියොත් මේ තියන ලේ ටිකත් පිච්චිලා කුරුල්ලා තවත් කෙට්ටු වෙනවා...ඕනේ නෑ...
නනනත්තාරේ කොහෙන් හරි ආව පල්හොරු පස්සේ යනවා අද මේ බෞද්ධයෝ...මෙව්වා බණද?බන නෙවෙයි මෙව්වා සමාජ විවරණ.කාලීන බණ.මනමාල බණ.සින්දු බණ හැමතැනම...බණ දේශකයෝ මණ්ඩප වලට නැගලා එක්කෝ දේශ පාලුවෙක්ට කඩේ යනවා..නැත්තම් අනුන්ගේ ඕපයක් වමාරනවා...බෞද්ධයොත් බණ කියලා හිතාගෙන සාධු කියනවා...බණ දෙසන්ඩ කලින් පිං පෙට්ටිය ඉස්සර වෙලා...බණ විකුණන් කනවා...එක හාමුදුරු කෙනෙක් ටී ෂර්ට් එකක් දාගෙන දඟලනවා...මොන මගුල ඇන්දත් කමක් නෑ හාමුදුරුවනේ...ඔය අමාරුවනම් යාදින්නේ නැති වෙයි...ඒ මනුස්සයාගේ බුදු බව නෙවේ මහන කමත් අහෝසි වුනේ චීවරේ මාරු කල වෙලේ, බුදු වුනා කියලා බොරු කීව වෙලේ...මොකද විනය පිටකයට අනුව මහන කම නැති වෙනවා විනය කරුණු කැඩුවාම...චීවරේ කියන්නේ මොකක්ද කියල නොදන්නා උන් සාසනේට ආවාම සාසනේ නිකන්ම පරිහානියට පත් වෙනවා...ඒ අස්සේ උන්නාන්සේට මහා පුරුෂ ලක්ෂණ තියනවලු...කෙල්ලෝ කියනවලු ඔබ වහන්සේ මෙච්චර ලස්සන ඇයි කියලා...විවාහ යෝජනාත් එනවලු හරියට...අනේ දෙයියන්ගේ නාමෙන් අපට පව් නොදී ඔය අමාරුවක් තියන එකියක් බැඳගෙන දරුවෙක් මල්ලෙක් හදන් ජීවත් උනානම් නේද හොඳ?
ඔන්න කියන්නම් රස කතාවක්...බුද්ධ කාලේ හිටියලු එක භික්ෂුවක්...නිකන් නෙවේ නායක භික්ෂුවක්...හැමදාම මුන්නාන්සේ යනවලු ඉතිං පොඩි ෆන් එකක් ගන්ඩ ගණිකාවක් ගාවට...(මෙව්වා ශිෂ්ට භාෂාවෙන් ලියන්ඩ හිතෙන්නේ නෑ කුරුල්ලට..කුණු හබ්බ කුණු හබ්බම තමා)ඉතිං අද කාලෙත් ඔය සමහරුන්ගේ හැටිණි...දවසක් අමතක වෙලා බඩ්ඩ පොරවන් හිටිය නිල් රෙද්ද පොරවාගෙන ඇවිත් සිවුර දාලා...ඔන්න මීටර් උනේ ඕක ගෝලයෝ අහුවාමලු...මොකද ඉතිං පට්ට කික් එකෙනි ඉන්ඩ ඇත්තේ...ඉතිං මුන්නාන්සේ කිව්වලු මේක හොඳ නැත්ද ඇයි...මේක තමා නීලපට න්‍යාය කියලා...ගෝලයොත් පිලිගත්තලු...වෙලාවට රටේ පාලකයෝ උන්ව ගිනි තියලා...ඒත් ඉතිං අපේ රටේ පාලකයෝ නැනි...ඉන්නේ දේශ පාලුවොනේ...චීවරේ වෙනස් කලාට ඒ කාලේ දඬුවම් දුන්නේ එහෙමයි...තව ටික දවසයි...උපන් ඇඳුමට කිට්ටු වෙන්ඩ...අපේ අම්මණ්ඩිලත් වදියි ඉතිං...
තවත් කට්ටියක් කියනවා මේ ගෞතම බුද්ධ රාජ්‍ය ලු...මෙහෙලු ඉපදුනේ...මෙහෙලු බුදු වුනේ...සේරම වෙලා තියෙන්නේ මෙහෙ...හප්පේ මහා ලොකු රට මේක...මුන්ට ඕක මතක උනේ අවුරුදු දෙදාස් පන්සීයකටත් වඩා ගියාම...පරපුරෙන් පරපුර මිහිඳු මහා රහතන් වහන්සේ පිහිටුවපු සඟ සසුන පුරුක් සහිත දම්වැලක් වගේ අදටත් එන්නේ...ඒ ටිකත් නැති කරගන්ඩ වගේ හදන්නේ...අලි මදි වට හරක් කියන්නේ ඕක තමා...
කුරුල්ලට පේන හැටියටනම් බාල කාලෙම පැවිදි වුනු (පැවිදි කරවපු) හික්මීමක් නැති භික්ෂුන් නිසා මේ තත්වය ගොඩක් උද්ගත වෙලා...අනික තමා බුද්ධ ආදර්ශයට පිටින් යමින් සාසනික තනතුරු ප්‍රදානය කිරීම නිසා නායත්වයක් මග පෙන්වීමක් දෙන්න කෙනෙක් නැහැ...නැත්නම් ලංකාවේ මහානායක හිමි වරු තිස් එකක් විතර ඉන්නවා..අනු නායක හිමිවරු ඉන්නවා...කෝ මුන්නාන්සේලා මේවට එරෙහි වෙනවද?විනය ප්‍රශ්න මේවා...බුද්ධ දර්ශනයේ කිසිම ස්ථාවර භාවයක් නෑ...අද කියන දේ හෙට බොරුයි කියනවා...වෙනස් වෙන දහමක් ගැන කොහොමද මිනිස්සු විශ්වාසයක් තියන්නේ?මිනිස්සුන්වත් පැටලෙනවා...මුලික අධ්‍යන අවධියේ ඉන්න තරුණ පිරිස් ව්‍යාකුල වෙනවා...මේ ධර්ම විනයේ අසංගත බවක් නෑ...ඒක කුරුල්ලා දන්නවා...බුදු රජාණන් වහන්සේ බෝසත්වරයෙක් සේ අත්හදා බලලා මුතු වැලක් වගේ එකිනෙක මනාව ගැලපෙන මුල මැද අග යහපත්,සාර්ථක වචන තියන,දොස් අක්ෂර දොස් නැති සුදෝ සුදු හක් ගෙඩියක් වගේ පිරිසිදු ප්‍රනීත සාරපුර්ණ හරපුර්ණ උතුම් සද්ධර්මය දේශනා කර තිබෙනවා...නමුත් මේ වෙන පරිහානිය සමස්ත මානව සමාජයටම හානියක්...ධර්ම විනය හදාරන ඒක හොඳයි..ඒත් තමන්ගේ අත්තනෝමතික අදහස් එකතු කරන්න අවශ්‍ය නැහැ...ආයෙත් ධර්ම සංගායනාවක් කරන්න කාලය ඇවිත්...නැත්නම් මේ ඉන්න උගත් වියපත් භික්ෂුන් වහන්සේලා අපවත් වුනොත් මේ සාසනය පාලු වෙලා යාවි...
තරුණ භික්ෂුව මීට වඩා සැලකිලිමත් කමෙන් ඉන්න ඕනේ...අනේ මන්දා...අපේ හාමුදුරුවනේ මේ සාසනේ රැකලා දෙන්න...අපි ආදරෙයි මේ සාසනේට...මේ සාසනේ අපිට ඕනේ...අවුරුදු දෙදාස් පන්සීයක්‌ නෙවේ මෙහෙම ගියොත් තව අවුරුදු විසි පහක්වත් මේ සාසනේ තියෙන්නේ නැතිවෙයි....