පෞරුෂ වර්ධනය තව ටිකක්...

කුරුල්ලා බ්ලොග් කෙරුවාවට ආවේ උගන්නන්න නම් නෙවේ ඔන්න..එත් ඉතින් සමහර සමහර කරුණු කාරණාත් කුරුල්ලා දන්නවා...මනෝ විද්‍යා ඩිග්‍රී  නොගහුවට අපිත් තුත්තක් ඉතල දන්නවා අලේ...දන්නවා කියන අය බොරු කරන හන්දා  ඔන්න මමත් දානවා ලිපි පෙළක්..මේ දෙවෙනි ලිපිය...මේ ලේබලෙන් එන දෙවෙනි ලිපිය..දන්නවනම් කවුරු හරි තරා නැතිව මට වචනෙකින් ලින්ක් එකකට යන හැටි කියල දෙනවද?රේප් (රෙප් )මහත්තයාගේ අම්බලමේ නම් කියල දීල තිබ්බ...එත් තෙරුන් නැහැ...කරන්න පුළුවන් නම් ලොකුම ලොකු උදව්වක් යාලුවනේ...
ඔන්න එහෙනම් පටන් ගමු දෙවෙනි ලිපිය...
කලින් ලිපියේ මම ඔයාලට පෞරුෂය ගැන කියල දුන්න...දැන් අපි දන්නවා අපට තියෙන්නේ කොයි වගේ එකක්ද කියලා...ඒ කිවේ වෙන එකක් නෙවේ පෞරුෂය ගැන ..මේකේ ඉන්න උන් සේරම ඩර්ටි මයින්ඩ් අප්පා...මුන්ට වචනයක් වරදෙන්ඩ බෑ...මිනිහගේ හැටි තමා යාලුවනේ ඌ දන්නවා උට තියෙන්නේ මොන වගේ මානසික ලෙඩද කියලා...හොඳටම දන්නවා...එත් ඌ කවදාවත් ඒ දන්නා දේ තුලින් දෙයක් හිතන්න පෙළඹෙන්නේ නෑ...ඒ කියන්නේ ඊට පිළියම් හොයන්න වෙහෙසෙන්නේ නෑ...මොලේ විශිෂ්ටයිලු,උසස්ලු...එහෙනම් හැම මිනිහම ස්වකීය පාලනයකින් යුක්තව  කටයුතු කරන්න එපැයි...(ඒ කියන්නේ අපි මිනිස්සු...ඔන්න මේ තුලින්ම කුරුල්ලා ඔයාලට පැහැදිලි කිරීමක් කළා මේ කියවන ඔයාලත් ඇත්තටම මිනිස්සු කියල..ලොලේ ලොල්...)
යාලුවනේ මේ පෞරුෂය කියන දේ කවදාවත්ම එක වගේ පවතින්නේ නෑ...වෙනස් වෙනවා..ඒ වෙනස්වීම වෙන්නේ පරිසරයත් එක්කමයි...ඒ කියන්නේ පාරිසරික වෙනස් වීම මත මිනිසාගේ පෞරුෂය තීරණය වෙනවා...(ඔතනින් හිතන්න නම් බොහෝ දේවල් තියනවා...පරිසරයත් මිනිසාත් කියන්නේ දෙකක් නොව එකක් බව...මිනිසා හිතන් ඉන්නේ වැරදි විදිහට බව...අප හා පරිසරය කියල අපට උගන්නන දේවලුත් පරිසරය තුල අප කියල වෙනස් වෙන්න ඕනි බව...ඒක වෙන පොස්ටුවකින් කියන්නම් යාලුවනේ)එත් මනෝ විද්‍යාවටම එක්කෙනෙක්ගේ පෞරුෂය වර්ධනය කරන්න බෑ...ඒ සඳහා ඒ පුද්ගලයාගේ නම්‍යශීලී බවකුත් තියෙන්නම ඕනි...පෞරුෂය වෙනස් කරන්න පුළුවන් එකම උපකරණය තමා යාලුවනේ දැනුම...
(ඔයාලට මෙන්න මේ ටිකත් කියන්න ඕනි...කුරුල්ලට අධ්‍යනය  කිරීම් වලින් පෙනුණු දෙයක් තමා මනෝවිද්‍යාව කියන්නේ ඒක එක්කෙනා එයාලගේ හිතේ පහල වෙන සිතිවිල්ලේ විදිහට හදාගත්තු දෙයක් කියන එක...උපකල්පන මත යන ගමනක්...මොකද යාලුවනේ මම කලිනුත් කිව එක්කෙනාගෙන් එක්කෙනාට මේක වෙනස්...එක්කෙනෙක් දකින විදිහ නෙවේ තව කෙනෙක් දකින්නේ...මම මේ කරන්නේ ඒ දැකීමට උදව්වක් කරන එක විතරයි....)
කුරුල්ලාගේ අධ්‍යනය කිරීම් වලට අනුව කුරුල්ලට හම්බ වුනා න්‍යායවල්  3 ක්...(තව තියනවද දන්නෙත් නැහැ)
මනෝ විශ්ලේෂනවාදී න්‍යාය -
අපි කවුරුත් දන්නවා මනෝ විද්‍යාවේ පියා...සිග්මන් ප්‍රොයිඩ්...(නවීන මනෝ විද්‍යාවට තියෙන්නේ වසර 100 ක් වගේ අතීතයක්) පෞරුෂය වර්ධන සංකල්ප ගොඩක්ම පදනම් වෙලා තියෙන්නේ ප්‍රොයිඩ් මත තමා..මිනිසාගේ මනස කොටස් කරලා තියනවා මෙයා...විඥානික සහ අවිඥානික විදිහට...මීට අමතකව උපරි විඥානික  කියල කොටසකුත් තියනවාලු...කුරුල්ලා මේවා මනසේ කොටස් නැතිව මනසේ බලවේග ලෙස හඳුන්වන්නම්...මොකද බුද්ධාගම පසු පස්සෙන් යන කෙනෙක් විදිහට මනස කොටස් කරන්න කුරුල්ලට හිත දෙන්නේ නෑ...විඥානික කියන්නේ උඩු සිත අවිඥානික කියන්නේ යටි සිත...ඔන්න සිංහලෙන්ම කිවා..දැන් තේරුනා නේද?සම්පුර්ණ මනසෙන් 9/10 කම අයිති වෙන්නේ යාලුවනේ යටි සිතට...ඉතිරිය තම උඩු සිතට...උඩු සිතෙන් වෙන්නේ අපි එදිනෙදා කරන කියන දේ පාලනය කිරීම..මේ මේක ලියන මොහොතේ මගේ ක්‍රියාත්මක වෙන්නේ උඩු සිත..මේ වෙලාවේ මගේ යටි සිත කොහෙද කියල දන්නේ නෑ..සමහර විට කොහෙවත් නැති විකාර තැනක ඇති..නැත්නම් අපේ ගෙදර ඇති...නැත්නම් බුකියේ ඇති...කොහේ හිටියත් මට මොකෝ...හැබැයි යාලුවනේ තේරුම් ගන්න අපි කොහේ හිටියත් අපට මොකෝ කියල හිතන උඩු හිතම තමා අපේ ජීවිතෙන් 9/10 කම පාලනය කරන්නේ...(අපිට ස්වයන් පාලනයක් නැති මේ ජිවිතේ මොන ලබ්බක්ද කියල හිතෙනවා නේද දැන්?අපිට අපිවත් අයිති නෑ)අපි විඳින්න අකමැති දේවල් උඩු හිත තල්ලු කරනවා යටි  හිතට...කවදාවත් කිසි දෙයක් මැකෙන්නේ නම් නෑ...මකන්න හදනවා නම් තමන්වම රවට්ට ගැනීමක්...මට අහවල් දේ මතක නෑ කියල හිතන්න බලන්න...එතනම මතක් වෙලානි නේද?මේ  යටි හිත පාලනය කරගැනීම ස්වකීය පාලනයෙන් ගියොත් (සිංහලෙන් කියනවානම් out of control ගියොත්)මේ යටි  හිතට උරාගත්තු පීඩාකාරී දේවල් අපේ මනසට කෙලින්ම බලපෑම් කරනවා...අපි දකින හීන,අපෙන් වෙන කට වැරදීම්, ඇතැම් අමතක වීම්, නොදැනුවත්ව සිදුවන ක්‍රියා (ලිවීම,කතා කිරීම) ආදිය ප්‍රොයිඩ් ට අනුව යටි හිතේ බලපෑමෙන් වෙන දේවල්...
දරුවෙක් ඉපදීමේ ඉඳන් ඔහුගේ වෙනස් කම් සිදුවෙනවා ඔහුට හෝ යට නොදැනීම...දරුවෙක් ගොඩක් වෙලාවට තමන්ගේ වැඩිහිටියන් අනුකරණය කරමින් ඒ මග යනවා...ඒ චර්යාවන් අනුව තමා ජීවිතය සකසා ගන්නවා...වටේ තිබෙන පරිසරය විසින් ඔහුව වෙනස් කරනවා...ඉඩ් (id )  අහංභාවය (ego ) උපරි අහංභාවය (super ego ) ලෙස පද්ධති  තුනකින් පෞරුෂය සමන්විත බව ප්‍රොයිඩ් පවසනවා...ඉඩ් කියන්නේ ප්‍රථමික අවදිය..අපි ළදරුවෙක් ගත්තොත් බාල වියේ ළදරුවන් තමන්ට අවශ්‍ය දේම ඉල්ලලා හඬන්නෙත් , එයාලගේ කායික  අවශ්‍යතාවයන් සන්තර්පණය කරගන්න උත්සාහ දරන්නෙත්,එහෙම කරද්දින් සමාජ සාරධර්ම ගැන හරි වෙන කිසි දෙයක් ගැන හරි නොහිතන්නෙත් මේ ඉඩ් කියන පද්ධතිය නිසයි...ඊට පස්සේ වැඩෙන දරුවාගේ හෘද සාක්ෂිය නිරුපනය කරන්නේ උපරිභාවයෙන්...එක තමා ජිවිතයේ සදාචාරාත්මක අංගය...අද ගොඩක් මිනිස්සුන්ට කඩෙන් ගන්න වෙලා තියන අංගය...හෘද සාක්ෂියට වගේම තමන්ගේ ජිවිතේ පරමාදර්ශයට අනුව කටයුතු කරන පුද්ගලයා තුල උසස් චේතනා ඇතිවීමටත් පුද්ගලයා පුර්ණත්වය සඳහා මෙහෙයවීමටත් උපරි අහංභාවය මැදිහත් වෙනවා...ඉඩ් මගින් පෞරුෂයේ  ජීව විද්‍යාත්මක අංගයත්, අහංභාවය මගින් මනෝ විද්‍යාත්මක අංගයත්, උපරි අහංභාවය තුලින් සමාජයීය අංශයත් නිරුපණය කරනවා...

ඊට පස්සේ අපි යමු මනෝ ලිංගික අවධි ගැන හොයල බලන්න...ඇත්තටම යාලුවනේ කුඩා කාලයේදී මනසට අවශ්‍ය දේවල් නොලැබුනාම පසු කාලීනව ඒවා මානසිකව බලපෑම් කරනවා...ඒ ඒ අවධි වලට වෙන වෙනම විශේෂිත අවශ්‍යතා තියනවා..ඒවා සම්පුර්ණයෙන්ම තෘප්ත නොවුනොත් ඒ වෙලාවට ඇතිවෙන සිතුවිලි වල බලපෑම පස්සේ කාලෙකදී විශාල වශයෙන් ජීවිතේට බලපෑම් කරනවා...ඒවා ඊ  ළඟ එකෙන් කියන්නම් එහෙනම්..පොස්ටුව දිග වැඩි වෙයි වගේ ඒ ටිකත් මේක එබුවොතින්...එහෙනම් අදට නවතින්නම් යාලුවනේ...මුළු දවසම මීගමුව බීච් එකේ ඉඳල හරි මහන්සි...පැය ගානක්...මේකත් දාලම නිදාගන්නම්කො එහෙනම්...